Згодна з загадам ад 05.06.2023 г., № 7ахо з 12 па 16 чэрвеня на прадпрыемстве, у адпаведнасці з праграмай і графікам, пройдзе «Тыдзень нулявога траўматызму».
Падчас правядзення «Тыдня нулявога траўматызму» камісія па арганізацыі і правядзенні «Тыдня нулявога траўматызму» правядзе праверку стану ўмоў і аховы працы ў структурных падраздзяленнях прадпрыемства з улікам асноўных мерапрыемстваў:
- забеспячэнне адпаведнасці абсталявання па ахове працы;
- забеспячэнне бяспекі работнікаў на працоўных месцах;
- навучанне бяспечным метадам і прыёмам выканання работ, правядзенне інструктажу, стажыроўкі і праверкі ведаў па пытаннях аховы працы;
- арганізацыя кантролю за станам умоў працы на працоўных месцах, а таксама за правільнасцю прымянення сродкаў індывідуальнай абароны.
12 чэрвеня 2023 г. начальнік прадпрыемства Галін Я. Б. на нарадзе, на якой прысутнічалі кіраўнікі і намеснікі кіраўніка структурных падраздзяленняў, старшыня прафсаюзнага камітэта прадпрыемства, члены камісіі па арганізацыі і правядзенню на прадпрыемстве тыдня «Нулявога траўматызму», пазнаёміў з канцэпцыяй «Нулявога траўматызму».
Для лепшага ўспрымання ўдзельнікамі нарады матэрыялу, канцэпцыя «Нулявога траўматызму» была размешчана на інтэрактыўнай дошцы.
На нарадзе было прынята рашэнне: з дапамогай сістэмы электроннага дакументазвароту і кіравання узаемадзеяннем «DIRECTUM» давесці канцэпцыю «Нулявога траўматызму» да кожнага работніка прадпрыемства.
Па выніках «Тыдня нулявога траўматызму» будзе праведзена нарада з удзелам кіраўніцтва, кіраўнікоў і намеснікаў кіраўнікоў структурных падраздзяленняў, вядучых спецыялістаў і інжынераў прадпрыемства, прадстаўніка прафсаюза прадпрыемства.